Live murrel fish treatment of asthama: Challenge to medical world

ಅಸ್ತಮಾ ಕಾಯಿಲೆಗೆ ಮೀನಿನ ಔಷದಿ

ಜಗತ್ತಿನಾದ್ಯಂತ 300 ಮಿಲಿಯನ್ ನಷ್ಟು ಜನ ಅಸ್ತಮಾದಿಂದ ಬಳಲುತ್ತಿದ್ದು, ಪ್ರತೀ ವರ್ಷ 2.5 ಲಕ್ಷ ಜನ ಈ ಕಾಯಿಲೆಯಿಂದ ಸಾಯುತ್ತಿದ್ದಾರೆ ಎಂದು ವಿಶ್ವ ಆರೋಗ್ಯ ಸಂಸ್ಥೆಯು ಅಂದಾಜಿಸಿದೆ. ಹಲವಾರು ಅಲೋಪತಿಯ ಔಷದಗಳು ಲಭ್ಯವಿದ್ದರೂ, ಅಭಿವೃದ್ಧಿ ಹೊಂದುತ್ತಿರುವ ದೇಶಗಳಲ್ಲಿ, ಅರಿವಿನ ಕೊರತೆ, ಆರ್ಥಿಕ ಮುಗ್ಗಟ್ಟು ಮತ್ತು ಉದಾಸೀನದಿಂದ ಸಾಯುವವರ ಸಂಖ್ಯೆ ಗಣನೀಯವಾಗಿದೆ. ಭಾರತದಲ್ಲಿ ಅನಾದಿ ಕಾಲದಿಂದದಲೂ ಈ ಕಾಯಿಲೆಗೆ ಮನೆಮದ್ದುಗಳಾದ ಲವಂಗ, ಶುಂಟಿ, ಜೇನು, ಈರುಳ್ಳಿ, ಸಾಸಿವೆ ಎಣ್ಣೆ ಮತ್ತು ಇತರೆ ಗಿಡಮೂಲಿಕೆಗಳ ಮದ್ದನ್ನು ಉಪಯೋಗಿಸುವುದು ವಾಡಿಕೆ.  ಆಯುರ್ವೇದದಲ್ಲಿಯೂ ಹಲವಾರು ಸಿದ್ಧಪಡಿಸಿದ ಔಷದಿಗಳು ಲಭ್ಯವಿದೆ. ಆದರೆ ಭಾರತದ ಆಂಧ್ರಪ್ರದೇಶದಲ್ಲಿರುವ ಒಂದು ವಿಶಿಷ್ಟ ಪದ್ಧತಿ ಮಾತ್ರ ವಿಜ್ಞಾನ ಲೋಕಕ್ಕೆ ಸವಾಲಿನಂತಿದೆ. ಅದುವೇ ಜೀವಂತ ಮೀನಿನ ಔಷದ.

ಚಿತ್ರ: ಮರೆಲ್ ಮೀನಿನ ಮರಿಗೆ ಗಿಡಮೂಲಿಕೆಗಳ ಔಷದವನ್ನು ಹಾಕಿ ಅಸ್ತಮಾ ರೋಗಿಗೆ ಜೀವಂತ ತಿನ್ನಿಸುತ್ತಿರುವುದು

ಕರ್ನಾಟಕದಲ್ಲಿ ಮರೆಲ್, ಮಡಂಜಿ ಅಥವಾ ಕಂದು ಎಂದು ಕರೆಯಲ್ಪಡುವ 5-7 ಸೆಂಟಿಮೀಟರ್ ಗಾತ್ರದ ಮೀನುಗಳಿಗೆ ಗಿಡಮೂಲಿಕೆಗಳಿಂದ ತಯಾರಿಸಿದ ಔಷದವನ್ನು ತಿನ್ನಿಸಿ ನಂತರ ಅಸ್ತಮಾ ರೋಗಿಗೆ ಜೀವಂತ ನುಂಗಿಸಲಾಗುತ್ತದೆ. ಹೀಗೆ ಜೀವಂತವಾಗಿ ಅನ್ನನಾಳದ ಮೂಲಕ ಒಳನುಸುಳುವಾಗ kafaವನ್ನು ತೆಗೆಯುತ್ತದೆ ಎಂದು ನಂಬಲಾಗಿದೆ. ಈ ರೋಗವು ಸಂಪೂರ್ಣ ಗುಣವಾಗಬೇಕಾದರೆ ವರ್ಷಕ್ಕೊಮ್ಮೆಯಂತೆ ಮೂರು ವರ್ಷ ತೆಗೆದುಕೊಳ್ಳಬೇಕಾಗುತ್ತದೆ. ಔಷದ ತೆಗೆದುಕೊಂಡ ನಂತರ ಅವರು ತಿಳಿಸುವ ಆಹಾರದ ಪತ್ಯೆಯನ್ನು ಅನುಸರಿಸಬೇಕಾಗುತ್ತದೆ.

ಮೀನಿನ ಸೇವೆನೆ ನಂತರ ಸುಮಾರು 45 ದಿನಗಳ ಕಾಲ ಅನ್ನ, ಮೇಕೆ/ಕುರಿ ಮಾಂಸ, ಸೊಪ್ಪು, ಅಂಜೂರ ಮಾತ್ರ ತಿನ್ನಬೇಕು. ತೀರಾ ಹಸಿವಾದರೆ ಬಿಸ್ಕೇಟ್ ತಿನ್ನಲು ತಿಳಿಸುತ್ತಾರೆ. ಆಂಧ್ರಪ್ರದೇಶದ ಒಂದು ಹಳ್ಳಿಯ ಸಣ್ಣ ಕುಟುಂಬ ತಲತಲಾಂತರದಿಂದ ಈ ಚಿಕಿತ್ಸೆಯನ್ನು ಉಚಿತವಾಗಿ ನೀಡುತ್ತಾ ಬಂದಿದೆ. ಇದರ ಹಿನ್ನಿಲೆ ಕೆದಕುತ್ತಾ ಹೋದರೆ, ಇದು ಸುಮಾರು 170 ವರ್ಷಗಳಿಂದ ನೆಡೆಯುತ್ತಿದೆ. 1845 ರಲ್ಲಿ ಹೆಂಡ/ಶೇಂದಿ ಮಾರುತ್ತಿದ್ದ ವೀರಣ್ಣಗೌಡ ಎಂಬ ವ್ಯೆಕ್ತಿಗೆ ಒಬ್ಬ ಅಪರಿಚಿತ ವ್ಯೆಕ್ತಿ ಪರಿಚಯವಾಗಿ, ಈ ಅಸ್ತಮಾ ಕಾಯಿಲೆಯನ್ನು ಗುಣಪಡಿಸುವ ವಿಶೇಷ ಪದ್ಧತಿಯನ್ನು ಕಲಿಸಿಕೊಡುತ್ತಾನೆ. ಆದರೆ ಅವನ ಷರತ್ತೆಂದರೆ ಇದನ್ನು ಅಗತ್ಯ ಇದ್ದವರಿಗೆ ಉಚಿತವಾಗಿ ನೀಡಬೇಕು. ಅಂತೆಯೇ ಇಂದಿಗೂ ‘ಬತಿನಿ ಗೌಡ’ ಮತ್ತು ಕುಟುಂಬ ಪ್ರತೀವರ್ಷ ಜ್ಯೋತಿಷಿಗಳು ತಿಳಿಸಿದ ದಿನ ಹೈದರಾಬಾದ್‍ನಲ್ಲಿ ಔಷದವನ್ನು ನೀಡುತ್ತಿದ್ದಾರೆ. ಇದರ ಖ್ಯಾತಿ ಎಷ್ಟಿದೆ ಎಂದರೆ, ಕಳೆದ ವರ್ಷ 70 ಸಾವಿರಕ್ಕೂ ಜನ ಬರಲಾಗಿ ಹೈದರಾಬಾದ್‍ನ ಒಂದು ಸ್ಟೇಡಿಯಂನಲ್ಲಿ ಔಷದ ನೀಡಲು ವ್ಯವಸ್ಥೆ ಕಲ್ಪಿಸಿ, ಜನರನ್ನು ನಿಯಂತ್ರಿಸಲು poಲೀಸರು ಹೈರಾಣಾಗಿದ್ದಾರೆ ಮತ್ತು ದಿನದ 24 ಗಂಟೆಯೂ ಔಷದಿಗಾಗಿ ಜನ ಸಾಲುಗಟ್ಟಿ ನಿಂತಿದ್ದರು. ಈ ಅವೈಜ್ಞಾನಿಕ ಪದ್ಧತಿಯ ಬಗ್ಗೆ ಹಲವರು ಅಪಸ್ವರವೆತ್ತಿ ಕಂಪ್ಲೇಂಟ್ ನೀಡಲು ಮುಂದಾದರೆ, ಅಲ್ಲಿನ poಲೀಸ್ ಮತ್ತು ನ್ಯಾಯಾಧೀಶರೇ ಈ ಔಷದದ ಫಲಾನುಭವಿಗಳು ಎಂದು ಜನ ತಮಾಷೆ ಮಾಡಿಕೊಳ್ಳುವುದುಂಟು. 

ಹಲವಾರು ದೂರುಗಳ ಮೇಲೆ ಇಂಡಿಯನ್ ಮೆಡಿಕಲ್ ಅಸೋಶಿಯೇಷನ್, ಈ ಔಷದಗಳಲ್ಲಿ ಹಾನಿಕಾರಕ ಅಂಶಗಳಿವೆಯೆ, ಸ್ಟಿರಾಯ್ಡ್‍ಗಳಿರಬಹುದೆ ಮತ್ತು ಇದರಿಂದಾಗುವ ದುಷ್ಪರಿಣಾಮಗಳ ಅಧ್ಯಯನ ನೆಡೆಸಿದಾಗ, ಈ ನಾಟಿ ಔಷದಿಯಲ್ಲಿ ಯಾವುದೇ ಹಾನಿಕಾರಕ ಅಂಶಗಳಿಲ್ಲ ಎಂದು ತಿಳಿದು ಬಂದಿದೆ. ಇದು ವಿಜ್ಞಾನ ಲೋಕಕ್ಕೇ ಸವಾಲಿನ ವಿಷಯ. ಯಾವುದೇ ದುಷ್ಪರಿಣಾಮಗಳಿಲ್ಲದೇ ಉಚಿತವಾಗಿ ಕಾಯಿಲೆ ವಾಸಿಯಾದರೆ ಯಾರಿಗೆ ತಾನೆ ಖುಷಿಯಾಗುವುದಿಲ್ಲ. ಅದೇನೆ ಇರಲಿ ಅಸ್ತಮಾ ಕಾಯಿಲೆ ಇದ್ದವರು ಮತ್ತು ಇಲ್ಲದವರೂ ವಾರಕ್ಕೆ ಎರಡು ಬಾರಿ ಮೀನನ್ನು ತಿನ್ನುವುದು ಆರೋಗ್ಯಕ್ಕೆ ಒಳ್ಳೆಯದು ವಿಜ್ಞಾನವೇ ಒಪ್ಪಿಕೊಂಡಾಗಿದೆ.