ಸ್ಕ್ಯೂಬಾ ಡೈವಿಂಗ್-ಒಂದು ರೋಚಕ ಅನುಭವ

ನಾನು ಮೀನುಗಾರಿಕೆ ಪಧವಿಯನ್ನು ಪಡೆದದ್ದಕ್ಕೂ ಸಾರ್ಥಕವಾಯಿತು ನನ್ನ ಜೀವನ. ಅಪ್ಪಟ ನಾಸ್ತಿಕನಾಗಿದ್ದವನು, ಆ ಕ್ಷಣ ಆಸ್ತಿಕನಾಗಿಬಿಟ್ಟೆ. ಮನುಷ್ಯ ಏನ್ ಕಂಡುಹಿಡಿದಿದ್ದರೇನು?. ಈ ಸೃಷ್ಟಿ ಮುಂದೆ, ಮನುಷ್ಯ nil ಕಣ್ರಿ. ಅದೆಷ್ಟೋ ವರ್ಷಗಳಿಂದ ಸಿ. ಅಶ್ವಥ್ ಹಾಡಿರುವ ‘ಕಾಣದ ಕಡಲಿಗೇ..ಹಂಬಲಿಸಿದೇ ಮನ:, ಕಾಣಬಲ್ಲೆನೇ ಒಂದು ದಿನಾ’ ಹಾಡನ್ನು ಹಾಡ್ಕೊಳ್ತಾ ಇದ್ದೆ. ಕಂಡೇಬಿಟ್ಟೆ. ನಾನು ಮೀನುಗಾರಿಕೆ ಮಹಾವಿದ್ಯಾಲಯದಲ್ಲಿ ಪಾಟ ಮಾಡೋದು ‘ಅಕ್ವಾಟಿಕ್ ಎಕಾಲಜಿ ಅಂಡ್ ಬಯೋಡೈವರ್ಸಿಟಿ’ ಸಬ್ಜೆಕ್ಟು. ನೀರಿಗಿಳಿಯದ ಸ್ವಿಮ್ಮಿಂಗ್ ಟ್ರೈನರ್ ತರಹ ಪಾಟ ಮಾಡಬೇಕಿತ್ತು. ನೀರಲ್ಲಿ ಪಲ್ಟಿ ಹೊಡೆದು ಬಂದಮೇಲೆ ಪ್ರಕೃತಿಯೆಡೆಗಿನ ನನ್ನ ದೃಷ್ಟಿಕೋನವೇ ಬದಲಾಯ್ತು. 

ಪ್ರಾಣಿ ಸಂಗ್ರಹಾಲಯದಲ್ಲಿ ಪ್ರಾಣಿಗಳನ್ನು ನೋಡುವುದಕ್ಕೂ, ಸಫಾರಿಯಲ್ಲಿ ಪ್ರಾಣಿಗಳನ್ನು ಅವುಗಳ ಸ್ವಾಭಾವಿಕ ವಾಸಸ್ಥಳಗಳಲ್ಲಿ ನೋಡುವುದಕ್ಕೂ ಅಜಗಜಾಂತರದ ಅನುಭವ. ಅಕ್ವೇರಿಯಂನಲ್ಲಿ ಬಣ್ಣಬಣ್ಣದ ಮೀನುಗಳನ್ನು ನೋಡಲು ಚಂದ. ಆದರೆ ಆಳ ಸಮುದ್ರದಲ್ಲಿ ನೂರಾರು ಬಗೆಯ ಮೀನುಗಳನ್ನು ಅವುಗಳ ಜೊತೆಗೇ ಈಜಿಕೊಂಡು ನೋಡುವುದನ್ನು ಪದಗಳಲ್ಲಿ ಬಣ್ಣಿಸುವುದಾದರೂ ಹೇಗೆ. 

ಸ್ಕ್ಯೂಬಾ ಡೈವಿಂಗ್

ನೀರಿನಲ್ಲಿ ಮುಳುಗಲು ಬೇಕಾದ ಅಗತ್ಯ ಸಾಮಗ್ರಿಗಳನ್ನು ಬೆನ್ನಿಗೆ ಕಟ್ಟಿಕೊಂಡು ನೀರಿನಲ್ಲಿ ಮುಳುಗುವುದನ್ನು ಸ್ಕ್ಯೂಬಾ ಡೈವಿಂಗ್ ಎನ್ನುತ್ತಾರೆ. SCUBA means-Self contained underwater Breathing Apparatus ಎಂದರ್ಥ. ಟೀವಿ, ಸಿನಿಮಾಗಳಲ್ಲಿ ನೋಡಿದ ಅನುಭವವಿತ್ತು. ಆದರೆ, ‘ಮುಂದಿನ ತಿಂಗಳು ಎರಡನೇ ಶನಿವಾರ ಸ್ಕ್ಯೂಬಾ ಡೈವಿಂಗ್ ಹೋಗೋಣ, faಮಿಲಿ ಸಮೇತ’. ನಾನು ರಾಗ ತೆಗೆಯುವ ಮೊದಲೇ foನಿಟ್ಟ...ಸುಬ್ಬಿ ಅಲಿಯಾಸ್ ವೆಂಕಟಸುಬ್ಬಯ್ಯ ಅಲಿಯಾಸ್ ಪ್ರದೀಪ್. ಬೇರೆ ದೇಶದಲ್ಲಿ ಎಲ್ಲೋ ಐವತ್ತು ಸಾವಿರ ತೆತ್ತು ಸ್ಕ್ಯೂಬಾ ಡೈವಿಂಗ್‍ಗೆ ಹೋಗ್ತಾರೆ. ಇಲ್ಲೆ, ನಮ್ಮ ರಾಜ್ಯದಲ್ಲೆ, ಮುರ್ಡೇಶ್ವರದಲ್ಲಿ ಸ್ಕ್ಯೂಬಾ ಡೈವಿಂಗ್ ಇದೆ. ನಾವು ಫಿಶರೀಶ್ ಗ್ರ್ಯಾಜುಯೇಟ್ಸ್ ಆಗಿ ಹೋಗದಿದ್ದರೆ ಹೇಗೆ?. ‘ನೆಕ್ಸ್ಟ್ ವೀಕ್ ನಾವು ಅಲ್ಲಿರ್ತೀವಿ’ ಅಂತ phoನ್ ಬಂತು. ಅಂದುಕೊಂಡ ಹಾಗೆ ನಾನು, ಪ್ರದೀಪ್ ಮತ್ತು ಅಶೋಕ ಅಲ್ಲಿದ್ದೆವು. ಎಲ್ಲರೂ ಮೀನುಗಾರಿಕೆ ಪದವೀಧರರೆ. 

ನೇತ್ರಾಣಿ ಐಲ್ಯಾಂಡ್

ಮುರ್ಡೇಶ್ವರದ ಕರಾವಳಿ ತೀರದಿಂದ ಪಶ್ಚಿಮ ದಿಕ್ಕಿಗೆ ಸಮುದ್ರದಲ್ಲಿ 20 ಮೈಲು ದೂರದಲ್ಲಿ ನೇತ್ರಾಣಿ ದ್ವೀಪವಿದೆ. ದೇವಸ್ಥಾನದ ಮುಂಬಾಗದಲ್ಲಿ ಸ್ಕ್ಯೂಬಾ ಡೈವಿಂಗ್‍ನ ಆಫಿಸ್. ಬೆಳಿಗ್ಗೆ ಎಂಟು ಗಂಟೆಗೇ ಅಲ್ಲಿರಬೇಕು. ನಾಲ್ಕುವರೆ ಸಾವಿರ ಒಬ್ಬರಿಗೆ. ಸತ್ತರೆ ನಮ್ಮ ಹಣೆಬರಹ ಅನ್ನೋ faರಂಗೆ ಸಹಿ ಹಾಕಿಸಿಕೊಂಡು, ಒಂದು ಸಣ್ಣ ಬೋಟ್‍ನಲ್ಲಿ ಕರೆದುಕೊಂಡು ಹೋಗುತ್ತಾರೆ. ಲೈಟ್ ತಿಂಡಿ ತಿನ್ಕೊಂಡೋದ್ರೆ ಒಳ್ಳೆಯದು. ಅವರೇ ಹಣ್ಣು ಹಂಪಲು ಕೊಡುತ್ತಾರೆ. ಬೆಳಿಗ್ಗೆ ಚನ್ನಾಗಿ ತಿಂದಿದ್ರೆ ವಾಂತಿ ಗ್ಯಾರಂಟಿ. ಸುಮಾರು ಒಂದೂವರೆ ಗಂಟೆ ಪ್ರಯಾಣ. ದಾರಿಯುದ್ದಕ್ಕು ಎಕ್ಸ್‍ಪರ್ಟ್ ಡೈವರ್‍ಗಳು ನಾವು ನೀರಿನಲ್ಲಿ ಇದ್ದಾಗ ಬಳಸಬೇಕಾದ ಸನ್ನೆಯ ಭಾಷೆಯ ಬಗ್ಗೆ ಮತ್ತು ಪರಿಕರಗಳನ್ನು ಬಳಸುವ ವಿಧಾನದ ಬಗ್ಗೆ ವಿವರಣೆ ಕೊಡ್ತಾರೆ. ನಮ್ಮ ಜೊತೆ ದೆಹಲಿಯ ಯುವಕ ವಿಕ್ರಂ ಮತ್ತು ಪೋರ್ಚುಗಲ್‍ನ ಹುಡುಗಿ   ಆ ದ್ವೀಪ ತಲುಪಿದ ಮೇಲೆ, ಅಲ್ಲಿ ದೋಣಿಯನ್ನು ಲಂಗರು ಹಾಕಿ ಒಬ್ಬೊಬ್ಬರನ್ನೇ ಕರೆದು ಡೈವಿಂಗ್ ಸೂಟ್ ಹಾಕುತ್ತಾರೆ. ಒಬ್ಬೊಬ್ಬರಿಗೂ ಒಬ್ಬ ಇನ್ಸ್ಟ್ರಕ್ಟರ್ ಬರುತ್ತಾನೆ. ಸಮಯ ಕಳೆಯಲು ಸ್ನೋರ್ಕ್‍ಲಿಂಗ್-ಕಣ್ಣಿಗೆ ಗ್ಲಾಸು, ಉಸಿರಾಡೋ ಒಂದು ಪೈಪು ಮತ್ತು ತೇಲಿಸುವ ಜಾಕೆಟ್ ಹಾಕಿಕೊಂಡು ನೀರಿನಲ್ಲಿ ತೇಲಿಕೊಂಡು ಜಲಚರಗಳನ್ನು ನೋಡಬಹುದು. ಹೋಗುವ ದಾರಿಯಲ್ಲೇ, ನನ್ನ ಹೆಂಡತಿ ರೇಖಾ ಸಣ್ಣ ಕರುಳು, ದೊಡ್ಡ ಕರುಳಿನಲ್ಲಿದ್ದುದನ್ನೆಲ್ಲಾ ವಾಮಿಟ್ ಮಾಡಿದಳು. ಅಲ್ಲಿ ಪಾಚಿಕೊಂಡವಳು ಎಚ್ಚರವಾಗಿದ್ದೇ..ಸಂಜೆ ವಾಪಾಸು ಬರುವಾಗ-ಮತ್ತೆ ವಾಮಿಟ್ ಮಾಡೋಕೆ. ನನ್ನ ಮಗ ರಿಶಿ ಮಗದ ಉತ್ಸಾಹದಿಂದಲೇ ಸ್ನೋರ್ಕ್‍ಲಿಂಗ್ ಮಾಡಿದ. ಅವನೂ ಡೈವಿಂಗ್‍ಗೆ ಬರಲು ಸಿದ್ಧನಿದ್ದ. ಭಯದಲ್ಲಿ ನನಗೇ ಹೃದಯ ಬಾಯಿಗೆ ಬಂದಿತ್ತು. ಅದಕ್ಕೆ ಅವನನ್ನು ಕಳುಹಿಸಲು ಒಪ್ಪಲಿಲ್ಲ. ಹತ್ತು ವರ್ಷದ ಮೇಲ್ಪಟ್ಟ ಎಲ್ಲರೂ ಸ್ಕ್ಯೂಬಾ ಡೈವಿಂಗ್ ಮಾಡಬಹುದು. ಗರ್ಬಿಣಿಯರು, ಹೃದಯ ಸಂಬಂಧಿ, ಅಸ್ಥಮಾ ಕಾಯಿಲೆ ಮತ್ತು ಬೆನ್ನುಮೂಳೆ ಸಮಸ್ಯೆ ಇರುವವರು ಸ್ಕ್ಯೂಬಾ ಡೈವಿಂಗ್ ಮಾಡುವುದು ಅಪಾಯಕಾರಿ. 

ನನ್ನ ಸ್ನೇಹಿತನ ಹೆಂಡತಿ ಜ್ಯೋತಿ ಗಟ್ಟಿಗಿತ್ತಿ. ಆ ಸಣ್ಣ ಮಗೂನ ಎತ್ಕೊಂಡು ಸಮುದ್ರಕ್ಕೆ ನೆಗೆಯೋಕೆ ಬಂದಿದ್ದಾಳೆ. ಹೌಸ್‍ವೈfu ಜ್ಯೋತಿ ನನಗಿಂತ ಮೊದಲೇ ನೀರಿಗೆ ದುಮಿಕಿ ಬಿಡೋದೆ. 

ನನಗೆ ಡೈವಿಂಗ್ ಸೂಟ್ ಹಾಕುವಾಗ ಮನೆಯವರನ್ನೆಲ್ಲಾ ನೆನೆಸಿಕೊಂಡೆ. ವಾಮಿಟ್ ಮಾಡಿ ಸುಸ್ತಾಗಿ ಮಲುಗಿದ್ದ ನನ್ನ ಹೆಂಡತಿಯನ್ನೊಮ್ಮೆ ನೋಡಿದೆ. ನನ್ನ ಮಗ ಸ್ನೋರ್ಕ್‍ಲಿಂಗ್ ಮಾಡ್ತಾ ಇದ್ದ. ಗಟ್ಟಿ ಮನಸ್ಸು ಮಾಡಿ ನೀರಿಗೆ ದುಮುಕಿದೆ..

ಅಬ್ಬಾ..ಅಬ್ಬಬ್ಬ.., ಒಂದೇ ನಿಮಿಷಕ್ಕೆ ಥಮ್ಸ್ ಅಪ್ ಮಾಡಿಬಿಟ್ಟೆ. ನೀರಿನಡಿಯಲ್ಲಿ ಸಂಕಷ್ಟದಲ್ಲಿದ್ದಾಗ ತೋರಿಸಬೇಕಾದ ಚಿನ್ಹೆ. ನನ್ನ ಇನ್ಸ್ಟ್ರಕ್ಟರ್ ಸರ್ರನೆ ಮೇಲಕ್ಕೆ ಕರೆತಂದ. ನನಗಿನ್ನ ಮೊದಲೇ ಡೈವಿಂಗ್ ಮುಗಿಸಿದ್ದ ಜ್ಯೋತಿ, ಬೋಟ್‍ನಲ್ಲಿ ಕೂತು ನನ್ನನ್ನು ನೋಡಿ ನಗ್ತಾ ಇದ್ಳು. ನಮ್ಗೆ ಮತ್ತೆ ಸಿಟ್ಟು ಬಂತು. ಅದೇ ಸಿಟ್ಟನಲ್ಲಿ ಯೂ-ಟರ್ನ್...ಸಮುದ್ರದಲ್ಲಿ ಮುಳುಗಿದೆ.

ದಿಗ್ಮೂಡ, ವಿಸ್ಮಯ, ಕೌತುಕ, ಆಶ್ಚರ್ಯ @#$%^&* ಎಲ್ಲವೂ ಒಟ್ಟಿಗೇ ಆಯಿತು. ಬೋರ್ಗರೆವ ಸಮುದ್ರ ನಿಜಕ್ಕೂ ದಿವ್ಯಮೌನ, ಪ್ರಶಾಂತ, ವಿಶಾಲ, ಅಗಾಧ. ಹನ್ನೆರಡು ಮೀಟರ್ ಆಳದಲ್ಲಿ ಕೋರಲ್‍ನಿಂದಾದ ಬೆಟ್ಟಗಳು, ಪ್ರಪಾತಗಳು, ಕಣಿವೆಗಳು. ಆ ಸಣ್ಣ ಪರ್ವತಗಳು ಹಿಮಾಲಯ ಪರ್ವತದಂತೆ ಎತ್ತರ ಎತ್ತರ ಬಾಸವಾಗುತ್ತಿತ್ತು. ಆಗ ಬಂದವು..ಅದೆಲ್ಲೋ ವಿದೇಶಿ ಪುಸ್ತಕದಲ್ಲಿ, ಡಿಸ್ಕವರಿ ಚಾನೆಲ್‍ನಲ್ಲಿ ಕಂಡ ಮೀನುಗಳು..ಒಂದಲ್ಲ, ಎರಡಲ್ಲ..ಸಾವಿರಾರು. ಜೀವಂತವಾಗಿದ್ದ ಸೀಅನಿಮೋನ್‍ಗಳು, ದೈತ್ಯಾಕಾರದ ಡೆಡ್ಲಿ ಮೊರೆಯೀಲ್, ಸ್ಕಾರ್ಪಿಯನ್ ಫಿûಶ್ ಇನ್ನೂ ಅನೇಕ. ಹೆಸರುಗಳು ಯಾವನಿಗ್ಗೊತ್ತು. ಟ್ಯಾಕ್ಸಾನಮಿ ಪೂರ್. ಆ ನನ್ಮಗ ದೇವರು ಭಲೇ ಚಾಲಕಿ ಕಣ್ರಿ. ಅಷ್ಟು ಸುಂದರವಾದ ಮೀನುಗಳನ್ನ ಸಮುದ್ರದ ಆಳದಲ್ಲಿಟ್ಟಿದ್ದಾನೆ. 

ನಾನು ಕಳೆದ ಬಾರಿ ಸ್ಕ್ಯೂಬಾ ಡೈವಿಂಗ್‍ಗೆ ಹೋಗಿ ಬಂದಮೇಲೆ ಯೂನಿವರ್ಸಿಟಿಯ ಬೋರ್ಡ್ ಮೀಟಿಂಗ್‍ಗೆ ಪಶುಸಂಗೋಪನೆ ಮತ್ತು ಮೀನುಗಾರಿಕೆ ಇಲಾಖೆಯ ಮುಖ್ಯ ಕಾರ್ಯದರ್ಶಿ ಅರವಿಂದ್ ಜನ್ನು ಮಂಗಳೂರಿಗೆ ಬಂದಿದ್ರು. ಮೀಟಿಂಗ್ ಮುಗಿದ ಮೇಲೆ ಮಾತಿನ ಮಧ್ಯೆ ‘ಹದಿಮೂರು ವರ್ಷಗಳ ಹಿಂದೆ, ನಾನು ಸ್ಕ್ಯೂಬಾ ಡೈವಿಂಗ್‍ಗೆ ಹೋಗಿದ್ದೆ. ರಿಯಲಿ ಅಮೇಝಿಂಗ್’ ಅಂದರು. ಅಂದಿದ್ದೇ ತಡ. ಶುರು ಹಚ್ಕೊಂಡುಬಿಟ್ಟೆ ಭಾಷಣ. ‘ಸಾರ್, ಫಿಶರೀಸ್ ಕಾಲೇಜಿನಲ್ಲಿ ಸ್ಕ್ಯೂಬಾ ಡೈವಿಂಗ್ ಬಗ್ಗೆ ಕಲಿಸ್ತಾ ಇಲ್ಲ. ಅದನ್ನು ಒಂದು ಕೋರ್ಸ್ ಆಗಿ ಇಂಟ್ರೊಡ್ಯೂಸ್ ಮಾಡಬೇಕು. ಅದಕ್ಕೆ ಸರ್ಕಾರದಿಂದ ಅನುಮತಿ ಮತ್ತು ಹಣಕಾಸಿನ ಸಹಾಯ ಬೇಕು’ ಅಂದೆ. 

‘ಇಂಟ್ರೆಸ್ಟಿಂಗ್, ಪ್ರpoಸಲ್ ಕಳುಹಿಸಿ’ ಅಂದ್ರು.

ಮುಂದೊಂದು ದಿನ ಕಾಲೇಜಿನಲ್ಲಿ, ಡೀನ್ ಜೊತೆ ಮಾತಾಡೋವಾಗ ಈ ಪ್ರಸ್ತಾಪ ಮುಂದಿಟ್ಟೆ. ತುಂಬಾ ಪ್ರ್ಯಾಕ್ಟಿಕಲ್ ಆದ ವ್ಯೆಕ್ತಿ ಅವರು. ‘ಇನ್ ವೆಶ್ಟ್, ಇದೆಲ್ಲ ಕಾಮನ್, ದುಡ್ದಿದೆ. ಆದರೆ ನಮ್ಮದು ಗೊತ್ತೇ ಇದೆ. ಎನಿವೇ, ಇದನ್ನ ಮಾಸ್ಟರ್ ಡಿಗ್ರಿಗೆ ಇಂಟ್ರೊಡ್ಯೂಸ್ ಮಾಡಬಹುದು, ನೋಡೋಣ’ ಅಂದ್ರು.

ನನಗೆ ಸ್ಕ್ಯೂಬಾ ಡೈವಿಂಗ್‍ಗೆ ಹೋಗಿ ಬಂದಮೇಲೆ, ಹದಿನೈದು ದಿನ ರಾತ್ರಿ ಕನಸಲ್ಲೆಲ್ಲಾ ಬಣ್ಣದ ಮೀನುಗಳೆ..ಸುಂದರ ಕನಸುಗಳು..

ಮುಂದೆ ಎಂದಾದರೊಂದು ದಿನ ಎಲ್ಲರನ್ನೂ ಒಪ್ಪಿಸಿ, ಸ್ಕ್ಯೂಬಾ ಡೈವಿಂಗ್ ಅನ್ನು ಒಂದು ಕೋರ್ಸ್ ಆಗಿ ಕಾಲೇಜಿನಲ್ಲಿ ತರುತ್ತೇನೆ...ಹುಡುಗರಿಗೆ ಒಂದಷ್ಟು ಒಳ್ಳೆ ಕನಸುಗಳಾದರು ಬೀಳಲಿ.